薛家燕蜜運好風騷
由藝人薛家燕、湯盈盈及王梓軒等參演的熱爆劇集《新抱喜相逢》大結局勁升十點，平均錄得二十九點收視，最高收視更達三十大關！而家燕姐及湯盈盈等昨出席大結局飯局時齊齊風騷，問到家燕姐於情人節有何安排？蜜運中的她稱要賞花燈：「梗係好sweet咁過啦，去賞花燈！（男友有咩表示？）傾緊買遊艇，到時二人世界會好開心！」
至於盈盈則慘被麥長青取笑有身孕，疑似有喜的她稱想追多個：「好驚呀，係咪話我肥咗。（有咗？）唔知呀。（一、兩個月後先可以恭喜你？）到時睇吓點啦。（情人節送個Ｂ做禮物？）Maybe!Trying!（追緊？）都想，但又想拍劇。如果真係有第二胎就一定會減產，到時等老公養！」而其老公錢嘉樂則透過短訊否認：「如果真係有，一定會公布！」
