張智霖爆老婆裸泳冇膽偷拍

剛從馬爾代夫度假回港的張智霖(Chilam)昨日到電台受訪,曬黑不少的他稱每天都與囝囝魔童裸泳,老婆袁詠儀(靚靚)亦有揸機為兩父子拍裸照。他說:「依家好驚佢手機會遺失,咁就大鑊!(靚靚有裸泳?)佢都有呀,但我唔夠膽影佢。」

Chilam透露個唱邀得國際時裝設計師打造戰衣,將會到比利時及法國度身。他說:「所以嚟緊跑唔到馬拉松,放過劉心悠啦!」他與靚靚已與郭富城等好友食飯慶祝結婚周年紀念,情人節則會帶靚靚到法國工作兼慶祝。

另外,張智霖老婆袁詠儀未知是否因近日天氣轉冷而病倒,昨日在微博上載戴口罩的自拍照,以及展示一大堆藥物的照片。一臉病容的靚靚留言道:「小病是福,早日康復!」不少網友留言祝她身體健康。