獲讚滿足性幻想 佐治古尼high爆

荷里活型佬佐治古尼（George Clooney）前日與拍檔現身柏林電影節宣傳新作《古文明救兵》（The Monuments Men），兼任導演、編劇和演員的他成為全場焦點，國際女星楊紫瓊與未婚夫華麗撐場，連日來現身不同首映的里奧勒度狄卡比奧新歡Toni Garrn則晒玉背搶鏡。據內地傳媒報道，記者會上有女記者當眾大讚佐治的魅力，更激動表示：「呢句說話我醞釀咗兩星期，你知道嘛？你滿足咗唔少女人嘅性幻想，幫緊全世界女人嘅心理健康。」見慣大場面的佐治未有嚇窒，更即時答謝，但卻遭同場的男星借題發揮，麥迪文（Matt Damon）笑指連男人也當佐治為性幻想對象，其他男星亦紛紛爭做性幻想對象，場面搞笑。