四太特訓子女打工捱世界

四太梁安琪、金利豐行政總裁朱李月華、保良局主席鄭錦鐘等昨天下午出席保良局癸巳年董事會新春團拜，問到四太有否與賭王吃團年飯，她表示早前已經吃了，她說：「記者都有跟住，何生對傳媒好重視、關心。（對子女有咩嘅寄望？）希望仔女讀書科科A，除咗讀書叻之外，社會大學都好重要。（教佢做生意？）社會咁多叻人，出嚟喺大企業打滾吓。」

大晒私相簿

雖然四太剛去完新加坡旅行，但就不願透露詳情，剛巧兒子猷君日前在微博上載了與四太的合照，圖中可見他被四太餵食榴槤，並寫上：「在新加坡被媽媽迫吃榴蓮（槤）！！」此外，猷君亦在微博貼了不少家庭照，有與四太、超盈、猷亨和超欣早前去大阪旅行的合照，又有與賭王胞姊八姑娘何婉鴻的拜年照，大晒家庭樂。當然猷君還上載與西班牙籍女友Francesca的攬腰親密照片；亦有他儼如小fans與碧咸於活動上合照。

猷君與賭王麻雀耍樂，兩父子更一齊擺趣怪甫士。

猷君大晒與萬人迷碧咸合照。

「冇逼佢食」

而記者昨致電四太，對於兒子開啟新微博一事？她笑說：「我唔識呢啲嘢o架喎，（有貼同你啲相，佢話你逼佢食榴槤？）咁呢個係真，係之前去新加坡時嘅事，不過我唔係逼佢食，只係佢未食過我叫佢試吓啫！」何太又透露猷君現時已返回外地讀書。

猷君晒與女友親密照。	在獅城旅遊時，猷君被媽咪餵食榴槤。	朱李月華說新年願望是經濟繁榮、國泰民安。

文：名人組