陳凱琳處女拍劇 獲祥仔教路
無綫昨日在將軍澳電視城進行新春團拜，過千員工出席逼爆錄影廠，行政主席梁乃鵬率眾高層與應屆香港小姐陳凱琳、劉佩玥等慶新春。梁乃鵬指今年是大挑戰，除了有兩個新發免費電視牌照外，還有流動電視牌照轉手，但他覺得無綫上下一心，有信心克服挑戰、再創高峰，還透露GOTV吸客理想，一個月已有一萬客戶。
梁乃鵬被問到有甚麼秘密武器對撼七月開台的香港電視？他說：「唔係睇得佢哋咁大威脅，唔係大口氣，佢哋雖然動作好多，7月1日開台大家都拭目以待，講就好容易、天下無敵，出嚟係點呢？做一樣嘢唔係咁易，佢哋口號就響，但係交功課又點呢？」
梁乃鵬繼續踩港視只有20億資金唔夠燒：「TVB有幾十年基礎，除咗有設施、人才，銀行現金存款仲有30億，佢哋話市值20億，之前起廠話8億，但依家市場價16億都未必起到，20幾億唔係咩錢，呢個係好現實嘅問題，口號好容易叫，但現實分析可以知道佢哋有幾多空間。」
新年無財運
陳凱琳透露四月會與黎耀祥拍攝處女劇《商戰》：「台慶同佢表演魔術都有傾過，佢叫我唔使咁緊張，做好自己就得。」她指新春沒有發新年財，自言遊戲運麻麻，惟有做實力派。樂易玲對於有傳馬賽搭上「空少」新歡？她說：「冇問佢，普通影張相啫，睇相就覺得佢哋唔熟。」
採訪：影視組