新舊澤嫂撞look 杏兒拖姊妹示威
黃宗澤（Bosco）與名模楊崢愛得高調，舊愛胡杏兒雖沒有愛情滋潤但亦不愁寂寞，昨日傍晚時分杏兒悉心打扮戰鬥格出巡，可惜，其潮披西裝look與前日新澤嫂的形象甚為相似，未知杏兒是否想來個正面交鋒？杏兒先單拖整甲扮靚，及後會合好姊妹姚子羚等飯敍，期間多番被追問Bosco拍拖等問題，杏兒也全程笑臉迎人，實行「輸仔」唔輸陣！
日前被《東網》率先踢爆的「崢澤戀」，主角黃宗澤（Bosco）與楊崢罕有地大方承認，未幾二人的「啜蜜圖」亦繼而曝光，但這對熱戀中的情侶卻未有尷尬，每次被問也一味甜笑，認真愛得癡纏，雖然舊愛胡杏兒仍形單隻影，但心情似未受影響。剛從大阪旅行返港的她，昨日傍晚時分從大埔寓所出動，一身造型明顯悉心打扮過，除穿上短裙仔外，亦潮披西裝褸，還揹住Chanel手袋，富態盡現。
女友已見母親
杏兒單拖過灣仔整指甲，約兩小時後離開，對於傳媒追問Bosco拍拖問題，杏兒似有備而戰，笑容滿面指已公開送上祝福，但卻不斷急步行，行色匆匆，及後到中環蘭桂坊會合胡定欣、姚子羚、胡蓓蔚及黃智雯等飯敍，相信席間眾人也會對Bosco的新戀情談論一番。
而蜜運中的Bosco，昨日則被《好報》爆料拍得他與苗僑偉（三哥）及無綫高層樂易玲飯敍交代喜訊，三哥爆料稱與黃宗澤傾談人生大事，不過當Bosco昨日返將軍澳電視城開工時，滿面春風的他被問是否與楊崢「閃婚」，他笑謂：「唔係，三哥個衰仔多口講笑啫！」黃宗澤稱雖尚未帶女友返家拜年，但她已見過母親。
相差9年亦無妨
對有指楊崢報細年齡，實際二人年齡相差9年，Bosco毫不介懷謂：「我哋兩個人交往，歲數唔係咩重要問題，最重要係佢喺我心目中係點樣嘅人，我阿媽好開通。（唔介意佢做高齡產婦？）咁快諗呢啲！講呢啲！還寄望外間給予空間，計劃「封口」不再回應戀情。至於楊崢昨早繼續駕駛Bosco的古董愛車返電台開咪，被問到是否與Bosco閃婚，楊崢只甜笑謂：「唔答嘞，多謝晒大家，辛苦晒！」
文：影視組