徐子珊唔知「好兄弟」戀情
藝人徐子珊曾與黃宗澤傳過緋聞，被問到知否「好兄弟」黃宗澤與楊崢拍拖，子珊反問記者：「邊個好兄弟先，好多兄弟喎。（黃宗澤呀）吓？唔知喎，佢認咗未先？等佢講咗先啦！（會問佢關心吓？）唔啦，我都唔八卦嘅，你幫我問啦！自從合作《點金勝手》之後都冇點見面啦！」
而子珊與吳啟華初次合作拍攝新劇《再戰明天》，前晚首度開工即拍一場淋雨戲。二人在劇中演相識十幾年的好朋友，更發展一段忘年戀，可惜種種因素未能開花結果。問到現實中能否接受，子珊說：「OK呀，冇問題！」啟華更笑言：「可以呀，點解唔OK？好多上咗年紀嘅男人都鍾意廿幾歲女仔啦！」兩人初次合作表示感覺不錯，但現場見他們可能未熱身，拍攝期間亦冇傾談，顯得生疏。