舊愛王玉環拒躹躬致祭
曾與午馬走在一起15年的王玉環，昨早在微信圈中得悉舊愛辭世消息，自言感到愕然：「其實我哋分咗手20幾年，之前一直冇聯絡，我仲轉咗去做保險，直至早排佢喺醫院打畀我，話自己有病，問我保險同醫生啲資料，當時佢話骨痛，我問佢係咪五十肩，當然最終都幫唔到佢買保險。後來我再打去問候佢，佢就話冇問題喇，仲同我講多謝關心添。」
對於午馬離開，王玉環直言彼此間有不少難忘事，但礙於尊重對方的家庭，故不便透露及多談。當問到會否往靈堂躹躬致祭？她謂：「唔會喇，真係唔係幾方便，如果畀人寫啲乜就唔好啦，影響到其他人，我只可以喺度同佢講句『安心上路』。」