朱潔儀靠靚聲過肥年
「畫家港姐」朱潔儀（Donna）逢大年初二均會到「一哥」楊貫一的富臨飯店食開年飯及拜年，今年她相約好友鍾慧冰及張學潤一齊食開年飯，還派發她親手畫的馬年畫卡，Donna透露還有猴、羊及牛就完成十二生肖畫，可以開個迷你生肖畫展。Donna表示新年會約好友相聚，之後與家人去旅行，原定想去泰國，但當地太亂，現改去星馬。
Donna又透露去年尾在大陸有不少朋友找她登台，因而過了個「肥年」：「我曾經出過一隻碟，啲朋友不時叫我去大陸登台，但覺得大陸唔係咁安全，所以相熟嘅朋友先會去，平時畫展會如果有活動，佢哋都成日叫我上台唱。（有冇諗住再出碟？）有人叫我出hifi碟，我都心郁郁，最想唱王菲同鄧麗君嘅歌。」
