Eason攰到忟 火爆開年

Eason日前獲英國母校Kingston University頒發榮譽博士學位，邀請親友遠赴當地見證重要時刻，順道暢遊英倫。享受完逾一星期假期的他，昨日與老婆徐濠縈、女兒陳康堤、梁漢文夫婦等「凱旋」回港過年。

「大家咁話」惹誤會

昨午約2時30分，戴黑帽黑超的Eason與老婆、女兒步出機場閘口，經歷超過十小時「飛機河」的他明顯有倦意，出閘時打了幾個呵欠，但發現記者時仍面帶笑容。問到英倫之旅開不開心？他說：「我搭咗咁耐飛機，唔好搞我啦，我唔會答你哋嘢，你哋放棄啦！」再問他是否如傳聞般豪擲100萬請好友去英國？Eason沒有回答，但仍叮囑記者影相時注意安全。

陳奕迅與妻女步出閘口時仍笑笑口。

鄧麗欣與母親昨午現身機場，大方任影。

期間有記者拍攝徐濠縈和康堤，雖然康堤笑容滿面，但護妻女心切的Eason有少許不悅地說：「你哋真係唔顧及小朋友感受！」但之後又轉軚祝記者新年快樂，記者禮尚往來表示：「大家咁話。」未知Eason是否誤會記者意思，隨即變忟薑，提早預演赤口向記者開年，他多次說：「咩大家咁話？你話咩呀？」徐濠縈見狀即拉一拉老公「撲火」，並拖住他行。雖然記者解釋是回應新年快樂，但Eason仍不收口：「我話你唔顧及小朋友感受，你話咩大家咁話？」場面火爆！

方力申與鄧麗欣的畫像合照。

梁漢文

鄧麗欣：邊個我老公

有份隨行到英國的梁漢文夫婦早Eason十五分鐘出閘，甫見記者即說：「哎呀！冇帶利是添！」問到是否Eason包旅費？他笑說：「問番佢啦！佢喺另一邊出，快啲去啦！」與Eason同行往的英國的郭偉亮、葉佩雯夫妻昨日未見返港，估計兩人轉往法國慶祝葉佩雯生日。

另外，昨午二時鄧麗欣（Stephy）和媽媽由北京返港，被問到老公（指方力申）在哪時，她說：「邊個我老公？我冇老公。」而方力申前晚在微博上載一張與Stephy畫像的合照，並留言：「這張畫漂亮嗎？」不少網民叫他們快結婚生仔。

文：音樂組