謙仔楊怡開P度歲

羅仲謙昨日出席有份參演電影《西遊記之大鬧天宮》慈善場，對於開畫票房首日已有105萬，謙仔開心表示有份參與已很好，又大方謂會請緋聞女友楊怡來觀賞：「會請埋佢睇，咁精彩嘅電影都應該睇。（一齊睇？）雖然我年初一至三都放假，不過屋企要交人，未必得。（佢都放假？）應該係，TＶＢ初一至三都唔使開廠。」問到楊怡會否到他家拜年？謙仔笑說：「唔使，我自己都應付唔嚟。（你去佢屋企拜年？）其實我哋圍內有啲朋友都一齊傾緊要唔要開Party聚吓。（你父母託你畀利是楊怡？）冇喎，未收到指令，我自己都未收到我父母封利是。」