何倍倩 陳君宜 買海味整意頭菜

貴為人妻的恒生新抱何倍倩（Anina）和名媛陳君宜（Qinnie）可謂「入得廚房，出得廳堂」，臨近農曆新年，兩人特相約前往西環的海味舖購買海味過節。對食有研究的兩人在揀海味的時候都顯得有板有眼。一向有下廚的Anina直言每年都會揀海味，如花膠、乾瑤柱等：「每年團年飯都會預備啲有意頭嘅菜式，好似髮菜蠔豉（發財好事）咁。」
陳君宜（左）與何倍倩愛花膠養顏。
陳君宜（左）與何倍倩愛花膠養顏。

對於每年的農曆新年，兩人均表示會在屋企食飯，Qinnie透露曾經試過自己整蘿蔔糕：「有一次睇住師傅整蘿蔔糕，之後返屋企跟住嚟整，點知唔記得落粉。原來個師傅當初示範就已經唔記得落粉，最後出來勁難食，超硬，切都切唔到，被我老公踩完之後，我就冇整過啦。」在旁的Anina即表示以往曾嘗試整笑口棗放全盒，獲家人一致好評。

兩人交流揀海參心得。
  • 兩人交流揀海參心得。