藝人吳卓羲（Ron）昨日現身天水圍商場活動，昨天活動後即準備收爐的他笑言難得有假放：「做完呢個活動就放假啦，難得年廿六可以收爐，都有七、八年無試過農曆年有假放。」準備與家人團聚過年的Ron，更計劃買靚桃花賀新歲：「會同媽咪去辦年貨買桃花，往年通常年三十先有時間去買，今年早咗可以揀棵靚啲！（係咪想有桃花？）想有觀眾緣，（真桃花呢？）唔使咁多住，想要觀眾桃花多啲！」
