薛家燕于洋 沙灘續前緣
薛家燕和于洋在《新抱喜相逢》飾演夫妻，原來在年輕時，二人曾互有好感，今次「舊情人」合作，難免勾起那些年的回憶。二人當年最後都冇下文，只能留待今次在劇中再續前緣。早前家燕姐和于洋拍攝沙灘戲份，二人等埋位時在夕陽下並排而坐，彷彿回到青葱歲月！
家燕姐表示和于洋當年是同學，在對方當男主角的一部電影中，更是由她飾演女主角，非常有緣，當時于洋更出動名貴跑車接家燕姐出街：「當時我哋互有好感嘅，佢仲揸架幾十萬嘅車接我去街，但係嗰架係『趕絕外母型』、得兩個位嘅車，咁我媽咪就唔鍾意，因為佢冇得坐，當時啲星媽管得仔女好緊，所以就冇再發展落去。」
惡搞電視劇
雖然二人做不成戀人，但能在《新》劇中再續前緣，家燕姐覺得非常開心，因兩人已經是老朋友。《新》劇有不少搞笑場面，當中更惡搞多套電影、電視劇的戲份，令觀眾有似曾相識的感覺，劇中不但講兩個新抱大鬥法，今次更搞新意思，將《On Call 36小時》改成《按摩36小時》、《怒火街頭》改成《慾火街頭》、《巾幗梟雄之義海豪情》改成《跟錯梟雄之二奶豪情》等，自嘲手法確是宣傳高招。
文：影視組