傅嘉莉對追求者失望
模特兒傅嘉莉（Kelly）和黃美棋昨日以低胸婚紗上陣出席商場活動。不過細看下，美棋身上有甚多紅點，她解釋皮膚敏感所致：「可能因為壓力大或食錯嘢，已經睇咗醫生。」她又大呼：「有得露係一件好幸福嘅事，所以我話過一好番就要有幾多露幾多。（接泳衣騷？）接受唔到，自己游水都係着一件頭。」
而Kelly表示自成為模特兒後便着過無數次婚紗，故結婚時未必會着婚紗：「仲諗緊，有啲牌子嘅晚裝我好鍾意，但係好貴。（嫁個有錢人？）或者自己設計婚紗。」談到她早前承認與一名追求者聯同數名朋友一同外遊，不過她表示還未與該名追求者一齊：「初時認識一定會好吸引，但時間耐咗就要識得包容。（發現咗佢短處？）係之前有期望，所以會失望。（拒絕咗？）冇，暫時保持距離。」