周潤發誓不言休睇好黃宗澤

【陳偉立北京直擊】國際巨星周潤發近幾年產量甚多，今年賀歲片更打孖上，《賭城風雲》及《西遊記之大鬧天宮》來勢洶洶！發哥日前在北京接受《東網》專訪時直言會「活到老，演到老」，沒有想過退休這回事，他說：「呢樣要睇觀眾囉！同埋如果有一日我記唔到對白，阻住人收工嘅時候，我就會唔拍喇！但我冇諗，上天安排我係做呢樣嘢，咪做到做唔到嗰日為止！」

力撐無綫苦戰

發哥70、80年代在無綫拍下《網中人》、《上海灘》等膾炙人口的劇集，自認電視精的他近年仍有留意無綫劇：「唔使拍戲的話，8點半、9點半劇都會睇，有時會錄起佢，我舊時冇睇自己做戲，依家得閒咪做觀眾囉！（仲有冇機會返TVB？）視乎有咩Offer、劇本！（拍劇？）有乜所謂呀！如果劇本好，又夠休息時間，應付得到咪OK囉！」對於近年香港電視業被韓劇及內地劇挑戰，發哥認為無綫要應付大量製作，難免變得流水作業，但仍會支持娘家：「依家（電視業）咁慘，你仲唔支持？無綫係我母台嚟嘛！」

發哥接受《東網》專訪時力撐娘家無綫。

黃宗澤獲前輩發哥點名力讚今年會跑出，未知他會否開心到瞓唔着？

愛提攜後輩的發哥又論盡當家小生，提起陳豪、馬浚偉、黃宗澤、歐陽震華及黃浩然等名字，更點名力讚黃宗澤有望今年彈出：「嗰個阿澤（黃宗澤）都係時候出嚟啦！TVB剩番小生唔係咁多，喺電視係要好長時間浸淫o架！」發嫂則力撐被掌摑出位的「飛躍男」王浩信：「畀人冚幾巴嗰個！佢幾好o架！」

發哥在70、80年代在無綫拍過不少經典劇集，令人難忘。 《網中人》

《上海灘》

早年發哥在荷里活拍過多部電影，包括《安娜與國王》及《魔盜王3》等，他表示有機會仍會繼續赴美「取經」：「之前嘅經驗係畢生難忘o架！同啲洋人合作，睇下佢哋點拍，每次都有得着！」但發哥表示大本營仍是香港：「香港始終係生活慣咗嘅地方，而且方便呀！唔去第二度喇！」提到梁朝偉將為柏林電影節擔任評審，發哥過往也曾婉拒不少影展邀請，他謙虛笑說：「我仲未夠資格去評人啲戲，演技係無邊無際。」

《東網》遠赴北京獨家專訪影帝周潤發，今日播出《周潤發專訪4》，他繼續滔滔不絕分享人生閱歷，大家密切留意。

文：影視組