鄧麗欣微波發圍V殺Fiona

太陽娛樂掌舵人黃柏高（Paco）昨午率領全公司藝人出席「太陽娛樂文化年度發布會」，包括兩位愛將Stephy及Fiona，還有田蕊妮、沈震軒、梁烈唯等。強勢加盟的Stephy為強搶Fiona的一姐寶座，不惜身穿Deep V火紅裝，出動「iPad胸」惡鬥Fiona的「A Cup胸」，性感方面先贏一局。

恨小方唱求婚歌

一身紅裝的Stephy表示今年紅色當旺，並早已換足全套紅色內衣，實行由內旺到外。問到是否想搶做一姐？她說：「梗係唔係，我呢啲年紀希望大家叫番做妹妹，唔想做阿姐。除非係汪阿姐（汪明荃），因為有前輩讚我似佢後生版。（男友方力申係羅家英？）都幾好呀，佢當眾唱《我向你求婚》，但小方佢唔會做呢啲嘢。」

Stephy強勢加盟太陽娛樂，晒冷照亦站較前位置。

陳嘉桓與師傅冼國林一同到場。

淺露事業線Fiona亦表示唔怕被搶一姐，並自封「太陽娛樂凱琪妹妹」，亦歡迎Stephy加盟大家庭，不擔心被分薄資源。另外，吳奇隆現身宣布與Paco合作成立唱片公司「太陽動力」，問到他與女友劉詩詩的婚期時，他說：「呢啲嘢唔係一個人決定。（冇時間拍拖？）一年十個月時間都係拍戲，互相就啦。（同詩詩合唱？）睇公司安排，佢唱片部分暫時未係我哋公司。」而Paco亦極力否認與無綫不和，因有不少旗下藝人都是無綫經理人合約。

陳靜	江若琳性感谷事業線現身晚宴。	楊受成（左）專程賀周焯華，期間拉埋林小明（右）影大合照。

江若琳性感撐場

而晚上舉行的周年宴會獲不少圈中人撐場，包括英皇主席楊受成、蕭定一夫婦、冼國林、陳嘉桓、陳靜及性感打扮的江若琳及Ana R.，而當楊受成早走離開時，獲Paco及太陽娛樂老闆之一的周焯華恭送，更拉埋寰宇老闆林小明，一同影大合照。

文：音樂組