張致恒電話傳情氹阿婆
算是半個荷蘭人的張致恒（Steven），自9歲那年舉家回荷蘭探親後，20年來都再未有踏足荷蘭，今年他決定請媽媽一同「返鄉下」探望廿多年沒見的婆婆:「其實上年成家返咗去，但我要拍劇行唔開。我知阿婆都好想見我，嗰時見我仲係咁細粒，依家見我成個阿叔咁！」
平時Steven就只靠電話和一句簡單的「我愛你」維繫着和婆婆的感情:「我阿媽隔幾日就會打電話返去畀婆婆，每次都叫我講兩句，我都唔知講咩，講廣東話佢又聽唔明。阿媽由細到大又淨係教我哋我愛你荷蘭文點講，所以永遠一拎起電話就淨係識講呢句，婆婆就會呵呵呵咁笑。」
場地:Hooray Bar & Restaurant@wtc more世貿中心