陳小春未接拍 離奇變主角

陳小春無辜被指因事缺席電影記招。

昨日的電影記招原定由男主角陳小春及舞蹈總監Sunny Wong出席，惟開始前五分鐘，公關表示小春因私人理由未能出席，令本來只負責舞蹈部分的Sunny變成主角，更要應付在場的傳媒。Sunny在記招時表示未知小春因何事未能出席，謂小春在戲中將有幾場重頭戲，更大讚對方的舞藝冇生疏，顯然不知道小春根本冇答應過會接拍電影。

但事後接受電話訪問時被問到是否知道小春根本未有答應演出，Sunny謂：「我唔知呀，我淨係同導演負責揀舞蹈演員！（有冇同小春傾過呢部戲？）冇，最近大家都忙，好耐冇見過面！」

Sunny（左二）在記招上突然變成主角應付在場的傳媒。

小春被Sunny大讚舞藝冇生疏。

洽商階段未落實

小春經理人李小姐被問到小春為何未有出席記招，她表示電影是由內地投資者出資，自己只認識其中一位，直認有收過劇本，但雙方只屬洽商階段，小春的經理人公司根本未有答應小春將接拍電影，她說：「我根本唔知今日有記招，只知道下個月尾會有活動，但同小春工作撞咗期，已經講咗唔會去！（追究？）等我了解吓件事先啦！」

文：影視組