小鳳憶瘀事 阿姐唱爆呔
殿堂級歌手徐小鳳與同是唱家班的汪明荃，前晚為無綫清談節目《小鳳‧姐‧有約》錄影，兩人在節目中大談入行多年來的經歷，小鳳姐表示試過見阿姐唱歌時爆拉鍊，而她自己穿經典波波裙獻唱也經常唱到爆衫。
徐小鳳與汪明荃前晚錄影無綫清談節目《小鳳‧姐‧有約》，期間小鳳姐謙稱還要向阿姐學習其工作態度，又大讚阿姐很有耐性，而阿姐表示新春期間都會找時間欣賞小鳳姐的個唱。
問小鳳與阿姐可有經歷過甚麼難忘事？小鳳姐直言有很多難忘片段，當中不乏刺激的事：「我記得有次喺紅館，我發現阿姐套衫嘅拉鏈爆開咗，因為佢好興奮咁唱歌，所以唔知，我一見到就叫佢一齊坐低喺台上唱歌，最後安然無事，觀眾仲拍爛手掌，依家諗起都覺得好搞笑！」小鳳姐坦言也有不少爆呔經歷，而穿經典波波裙獻唱就試過最多次，因為用氣唱歌，一用力就會爆，沒人可以控制到。
讚霆鋒有膽識
另外，阿姐透露新春期間會與丈夫羅家英去北海道旅行，提起日前謝霆鋒鬧爆拍片時曾有新人遲到，故他索性回酒店以向對方作懲戒，霆鋒更獲封為「男版汪明荃」，阿姐聞言笑說：「咁叻呀？佢有冇唔鍾意（指稱呼）？當然遲到係唔可以，要注重時間。」
文：影視組