石一堅VS高進賭術各不同

發哥1989年的《賭神》掀起全港熱潮，1994年再拍續集，高進「型」象深入民心，最近發哥與王晶合作《賭城風雲》，闊別廿年再與賭片「沾上關係」，自然令人期待萬分，但發哥表示今次是全新故事，新角色石一堅與高進性格大不相同，他說：「石一堅係個賭術叻啲嘅專家，性格冇高進咁立體，冇咁多高手向佢挑戰，高進有食朱古力、摸戒指等小動作，石一堅冇o架，冇咁細膩，只係江湖術士呃呃騙騙，但喜劇感重好多！」他又指因要配合內地制度，劇情稍作改動，加入搞笑及警匪元素：「你知晶哥呢方面好叻o架嘛！過年戲香港觀眾都接受咗黃百鳴同曾志偉嘅形式啦！咁今次我套戲劇情都幾得意吓。」