陳豪囝囝百日宴滿糖吉慶

陳豪、模特兒雪兒和Ana R.等昨日為亞洲首間《Ferrero Boutique》開幕擔任剪綵嘉賓，並與四位主禮嘉賓包括Ferrero董事總經理Mr. Mauro De Felip進行剪綵儀式，同時身兼品牌星級大使的陳豪更獲品牌贊助囝囝的百日宴，他笑說：「多謝晒，本身搵緊朱古力，都幾貴，想設計雪茄形狀朱古力。（原本諗住唔搞百日宴？）都會搞，只係大搞定細搞。」他透露囝囝現時個多月大，已有11磅，而自己已適應湊仔生活：「開始上手，有幫佢沖涼，好可愛。」至於何時發全家福照？他表示要遲一點，又大讚太太陳茵媺修身得很好，是很美麗的媽咪，問太太會否復出拍劇？他說：「遲啲啦，佢都想拍，佢係一個好媽咪，想照顧小朋友先。」

雪兒生仔順其自然

雪兒則表示已有一年沒有來港，今次專程由新加坡回來出席活動，她新年會跟老公到瑞士滑雪，問會否順道造人？她說：「冇諗過，順其自然，冇特別plan。」她並透露想引進紐約一所著名烹飪學校到上海。

放大圖片	陳豪（左三）與Ana R.、雪兒出席Ferrero Boutique剪綵儀式，與Ferrero董事總經理Mr. Mauro De Felip（中）及各高層合照。

Ana R.留港過新年

而Ana R.就爆老公很喜歡吃朱古力，試過兩日吃了50粒，幸好老公鍾意跑步，消耗很多能量。至於如何度過農曆新年？她表示會下廚煮中國菜，提到今年新婚，是否第一次派利是？她自言非首次派，因往年都會派開工利是；而老公也很喜歡過農曆新年，因有假放，兩人並會留港過年。

雪兒稱若有好劇本，會考慮復出。

Ana R.表示與老公留港過新年。

文：名人組