作為新老爺的劉丹，對於新抱是否懷孕一直在賣關子，直至兒媳終將喜訊公布天下，他也鬆一口氣，急着分享喜悅，丹爺坦言忍得好辛苦：「終於可以暢所欲言，其實我係知道，又唔講得都忍得幾辛苦。（介意奉子成婚？）其實佢哋已經註冊，唔算奉子成婚，況且依家年代冇所謂，只要大家感情認真就得，結婚都係一紙婚書啫！（鍾意孫仔定孫女？）兩樣都鍾意，生幾多個都冇所謂，但湊小朋友唔容易，我同老婆都一定幫手，所以希望佢喺香港生，留BB喺香港近我哋就最好。」將成為爺爺的丹爺，十分關心新抱身子，他稱特別叮囑兒子搵多兩名助手照顧楊冪：「有叫佢小心啲！好彩新抱仔冇乜害喜，仲比起以前開胃咗！」