陳茵媺自爆有第2個BB

Aimee表示此劇對她甚有意義，從拍攝到現在做宣傳，恍似有了第二個BB：「雖然當時喺馬來西亞唔知自己有咗，都係拍完先知，不過都拍得幾辛苦，每日得2、3個鐘瞓覺，同埋當時都有少少感冒，又食唔慣辣，好熱氣。」

展鵬獲封檳城王子

有指馬來西亞當地的製片見狀就好心給了數碗涼茶「崩大碗」讓Aimee下火，Aimee直認說：「係呀，我覺得好好呀，show到BB係一個tough（硬淨） baby，細個已經咁tough，咁大個就一定所有嘢都捱得過。」

洪永城獲陳庭欣（左）及林夏薇獻吻，艷福無邊。

新劇有不少外景在馬來西亞拍攝，楊秀惠大可盡地主之誼帶眾人吃喝。

因拍《單》劇而被譽為「檳城王子」的陳展鵬，自嘲是因為皮膚黑才有這稱號：「我依家拍緊《大藥坊》就麻煩喇，因為監製想我白番啲，所以我都有偷阿媽啲護膚品嚟搽。」有馬來西亞血統的他表示早前回鄉探親時有拿督叫他在當地置業：「不過都係喺香港拍多啲好作品先啦。」

洪永城性取向成疑

首次拍劇的洪永城就獲陳庭欣奉獻了螢幕初吻，而他的螢幕初吻則給了林夏薇，甚有艷福的他卻表示拍時十分拘謹：「同以前自由自在喺街邊同女友錫嘅感覺唔一樣，因為拍嗰時同佢哋唔熟。（咀完熟咗？）NG咗幾次就放鬆啲。（要向女友報案？）我單身咗兩年，都冇女友。」問到有否咀出愛火花時，他想了良久才答：「兩個都冇喎，我真係要考慮下我嘅性取向。」

文：影視組