馬嘉均情傷變動力 誓要3年內出頭
前樂隊RedNoon主音馬嘉均（馬仔）去年經歷樂隊解散後，決定重新出發作獨立發展，繼去年推出全新專輯《第二旅》後，新一年計劃多多，電影和音樂工作不斷，同時又為自己定下三年期限，誓要在樂壇闖出一片天。
本地樂隊RedNoon去年宣布解散，一直為樂隊主音兼靈魂人物的馬仔直言對此感到難過：「坦白講我絕對唔想解散，但無奈其他隊員有自己諗法，只能夠接受。」散Band後的馬仔意志消沉，但從未有放棄音樂的打算：「的確係有一段時間好唔開心，經過幾個月嘅休息，終於決定自己Solo闖一闖。」
決定獨立發展後的馬仔很快就創作出首張個人專輯《第二旅》並已經在去年底推出，作為新人的他表示因此獲益良多：「以前有一班隊友幫手，依家由創作到監製全部一腳踢，令我學到好多嘢。」除了音樂上得益外，馬仔稱還有其他得着：「我以前唔識講嘢，依家要出嚟做訪問，亦令我講說話進步咗。」
信心十足
馬仔表示自決定獨立發展後不乏工作機會，除音樂表演外，亦有電影工作在接洽中，他直言能堅持至今全靠自己定下的三年目標，他說﹕「其實係因為上一段感情嘅經歷，舊女友覺得我做音樂無安全感、工作唔定時同搵唔到錢，結果我哋就分開咗，於是我畀自己三年時間，一定要做到啲成績出嚟。」看到馬仔對前景信心十足，相信離成功不遠。
文：曹家誠
攝：吳文聰