林德信掂過Mandy 等再過招
名模Mandy Lieu與林德信（Alex）昨日出席品牌開幕禮，二人全程互笠高帽，穿上大露背的Mandy坦言希望與Alex合作拍戲。Alex聞言笑說：「佢喺電影度好主動，拍呢啲（親熱戲）？之前同佢工作過，佢啲pose好勁，功夫好叻，掂到佢肌肉好結實，想同佢拍動作片。」Mandy 笑着回應：「你都唔差（肌肉）！」
升級愛熟女
Alex更大讚3年前首次見Mandy已覺得她是位美女，問到會否怕緋聞女友松岡李那呷醋？Alex笑言：「唔識答，我太多緋聞，啱啱先話我搞auntie，我升級鍾意大年紀，好好玩，想試吓。」Mandy頻頻幫Alex解圍，更自爆與Alex同年出世，希望在踏入3字頭前一同幹一番大事。提到松岡本月30日生日，問到新年會否帶松岡回家拜年？他表示需要工作，而且不會帶朋友回家。此外、二人日前更合作拍運動鞋平面廣告，非常有緣。
飾千語老公
另外，早前Alex到廣州出席《六福喜事》發布會，戲中與吳千語飾夫婦，Alex原本想表達自己現實中在父母離婚之下成長，但竟說成自己的「私生活」很複雜，連吳千語都取笑他。早前千語亦為護膚品牌Estée Lauder拍攝平面廣告，穿上白色露肩連身裙猶如女神一樣。
文：名人組