因亞視劇《我和殭屍有個約會》而成名的編劇陳十三（陳耀輝），昨日分別遭「天ｘｘｘ集團」出聲明指恐嚇及收「王ｘ大律師」律師信一事在網上流傳，十三昨回覆記者指確與這兩個單位聯絡：「因早前收到該集團邀請《我》劇演員拍劇，為求穩陣，已從多方面查證該集團，點知係虛構，所以我同佢講唔好再騷擾我哋，否則報警！（收律師信起訴？）我都上過台灣律師公會個網查，根本都冇呢個名，所以佢哋出任何信件，我都當笑料一則，唔會再理！」
