鍾嘉欣韓國蜜會冧掂延正勛
藝人鍾嘉欣日前遠赴韓國，與曾拍《悲傷戀歌》、《伊甸之東》等大熱劇的韓國型男延正勛拍攝微電影《愛情來的時候》。於戲中扮演富家女的嘉欣聘請飾演插畫師的延正勛擔任其韓語導師，而二人最後將會譜出一段異國戀曲。
蝦碌百出
嘉欣昨日接受電話訪問時，自爆因語言問題令拍攝期間出現不少「蝦碌」鏡頭：「全套電影得我一個講廣東話，其他人全部講韓文。我只可以靠對手的表情同停頓位去演，但有時都捉錯位，令對白重疊咗。（難以投入感情去演？）係，不過都係一個得意的體驗。」而她更因拍攝日程過於趕忙而病倒，更要在當地醫院看醫生。
專業靚仔
其後談到有指嘉欣本應跟另一位韓星池誠合作拍攝《愛》，問到她會否因今次易角而失望？她大爆早已於工作時見過對方，更盛讚今次對手延正勛靚仔又專業：「唔失望，我同韓國好有緣，之前去拍旅遊特輯已經見過池誠。今次男主角（延正勛）靚仔又專業，佢哋韓國影星受過好多訓練，識好多嘢。」
文：影視組