陳偉成煮飯仔冧Yumi
周秀娜舊愛陳偉成（Avis）與尹蓁晞（Yumi）經常於廚房傳情，平時愛玩煮飯仔的二人早前到甜品店學整甜品，不忘再晒恩愛，Avis更肉麻表示甘願做Yumi的「廚房男」，負責對方的起居飲食，認真骨痹！
陳偉成自與尹蓁晞公開戀情後，人前非常恩愛，經常於網上大晒蜜照。處於熱戀期的二人坦言閒時會玩煮飯仔，齊齊入廚房煮番幾味餸開大餐，Avis笑言廚藝見得下人，他笑說︰「平時都會煮下餸，食唔死人應該都ok。」
女友大讚廚藝
為氹女友，Avis自言甘願做「廚房男」，Yumi聞言後一臉冧爆，又大讚男友細心，她說︰「有時我哋無出去食飯，佢都會煮啲簡單嘅餸畀我食，炒條菜整碟蛋咁，有時就會大家一齊煮，覺得好開心。」
這對為食情侶原來非常愛食甜品，日前更走到甜品店偷師，二人玩轉廚房各自炮製甜品時，Avis繼續出招冧女友，不時餵對方食水果，sweet到爆。最後二人互相試食對方的傑作，Yumi大讚Avis的廚藝無得頂，並說︰「我都鍾意食甜品，佢整得幾好食，如果佢得閒整畀我食都唔錯。」Avis再次發表肉麻宣言，稱自己是Yumi的私人大廚，他說︰「想食咩即管開聲，我有時間一定整畀你食，如果我唔識整，應該會走去學，再搵你做白老鼠。」
齊物色新公司
至於本來已經營髮型屋、服裝店及健身房生意的Avis坦言有意進軍飲食界，藉此可食遍各種美食。提到現專注生意的他是否放棄幕前，他表示未有退出的念頭，現正與Yumi一起物色新公司，指除模特兒工作外，亦想嘗試拍電影。
場地︰Good Take OK Dessert
文︰專案組
攝︰謝國華