伍允龍：安志杰死咗我會喊
型男伍允龍、安志杰均在美國長大，同聲同氣，加上相識已十年，情同手足。早前兩人終有機會合作拍電影，演繹令人感動的兄弟情。撮合今次電影之緣，全因是伍允龍一句：「如果安志杰死咗我會喊！」可見他們戲裏戲外都友情真摯。
伍允龍（Philip）與安志杰（Andy）日前接受專訪，在拍照時二人不停擺甫士，搞到攝影師都冇符，非常搞笑。在受訪時，他們雖然不停互窒，但仍難掩真摯友誼。於電影《惡戰》飾演馬永貞的Philip稱，初時遲遲未決定由誰演馬永貞好友龍七一角，他說：「監製問我，有邊個兄弟死咗你會喊，我答佢安志杰！」問Andy有否感激兄弟帶挈？他卻只懂為對方開心地稱：「好戥佢開心，知道佢一直等一個機會。」Philip亦說：「戲入面嘅友情一定會說服到人，因為係真嘅！」
演奸角發揮大
Andy曾於電影《激戰》、《蘇乞兒》等演兇殘角色，今次於新片終於演忠角，更會為正義犧牲，問他想不想洗脫觀眾眼中「永遠榮譽奸角」的印象？Andy竟表示喜歡演奸角：「我冇所謂，接嘅時候係角色吸引到我。其實我喜歡演奸角，因為可以想像好多嘢，好好玩。」
首次擔正男主角的Philip，能與動作片前輩洪金寶和袁和平合作，令他深感榮幸。Philip謂：「我又唔係大卡士，搵我其實好冒險，感覺好似dream comes true！同前輩學到好多嘢，一啲一啲咁吸收！」
化妝、髮型：JERRY ASH
安志杰服裝：Aigle
伍允龍服裝：Aigle、Ｇ Star
文：影視組
攝：秦健輝