吳彥祖畀囡箍要減產
藝人吳彥祖（Daniel）演而優則監，首次於電影《控制》身兼監製、擔任男主角，他指為留更多資金做特技，自減酬勞，兩份糧都打折；在拍攝時Daniel還差點被車撞倒，非常搏命，難怪導演畢國智大讚他是100分監製。
Daniel在戲中因有痛腳被人抓住，而慘被控制做壞事，但生活簡單的Daniel笑言，最能「控制」他的是囡囡Raven：「依家個囡出咗世，我覺得要保護佢，我好大責任，諗起咁多年好多嘢未達到目標，但已得到好多嘢，拍咗50幾部戲，好多滿足感，但一個小朋友嘅成長，過咗就攞唔番，我要爭取。」為了女兒，Daniel指會盡量減產至一年一部電影。