李治廷行善預埋范冰冰
李治廷（Aarif）早前到非洲孤兒院作一連四日的探訪，Aarif與院童打成一片，還行半小時山路送孤兒去探望親友，善心爆棚！問Aarif下次再去非洲探訪可會預埋緋聞女友范冰冰？他笑言：「佢都有搞慈善活動，一定會互相幫忙！」
工作排得密密麻麻的李治廷，早前不忘關注慈善工作，抽出四日時間，遠赴非洲造訪當地孤兒院，雖然留在當地的時間並不算長，Aarif卻指自己在行程中有很多得着：「其實當地的物資很少，但小朋友仍然充滿活力，可以感受到佢哋充滿正能量。」問到Aarif與小朋友們的互動，Aarif笑指：「我哋會一齊打掃院舍，又會同佢哋玩遊戲啦，本身有小朋友識國語，咁我就教佢哋廣東話，佢哋覺得廣東話好得意、好好笑，仲有教佢哋功夫！（教功夫喎你掂唔掂？）小朋友比較厲害！佢哋本身都好叻，有小朋友耍咗套功夫我睇，亦有小朋友讚我唱歌同結他好聽。」
趕返內地工作
在Aarif記錄下來的相片中，有一張他孭着小朋友的溫馨相片令人印象深刻，Aarif解釋：「當時係同兩位妹妹去探家人，雖然佢哋失去父母，但仍有其他家人，就同佢哋行咗約半小時去探嫲嫲，但行得太耐佢哋扭計，只好背住佢哋行啦。」
Aarif完成非洲之旅便要到內地繼續開工，十分趕急，他指：「其實行程都OK，但比較趕，回到香港機場馬上又上樓出發去北京宣傳電影（有冇打算同范冰冰一齊做慈善？）范冰冰有參與同心臟有關嘅慈善活動，如果有機會當然會為慈善互相幫忙。」
文：影視組