許廷鏗勁歌甘拜下「峯」鍾舒漫出腳拉票

昨日謝安琪、林欣彤、鄭融、鍾舒漫、許廷鏗及組合Fabel等現身電視城參與拉票活動，今年將由歌迷一人一票的全新機制投選所有獎項。活動上多位歌手表示將「最受歡迎男歌星」獎投給許廷鏗，但許廷鏗謂：「好似呼聲唔錯，但攞咗會令2014年壓力大咗！都係平常心面對啦！」有傳無綫本打算將「最受歡迎男歌星」獎頒給親生仔林峯，但因對方「唔聽話」，故將獎項頒給許廷鏗，他說：「係咩？我同佢點比呀！我年資未夠，只係出道四年。」

組合Fabel	謝安琪	鍾舒漫聲沙沙忙到病，仍不忘騷長腿拉票，果然夠晒勤力。

鍾舒漫大露美腿，但因近期較忙而病倒，聲音有點沙啞。問男友吳浩康有否慰問她？她說：「唔使特登啦！佢都忙，有見面，但主要喺網上聯絡，好開心見佢忙碌，（更旺大家？）佢喺我心目中一向係勤力嘅人，自己都會勤力啲做嘢！」她又賣口乖表示一早看過男友有份演出的英皇電影《救火英雄》，也叫身邊的朋友要到戲院捧場。

鄭融凍到嘔衰性感

鄭融表示目前為選「戰衣」而煩惱，笑謂希望穿上「保暖得嚟又靚」的晚裝，因早前以性感裝束出席叱咤頒獎禮時着涼：「慶功宴時我同Kary（吳雨霏）講頭暈想嘔，佢向助手打眼色，拎定個桶畀我，一影完相落台我就即刻嘔，真係好感謝佢『出手相助』！」

文：影視組