楊天經痛失舞台前輩「蘇忠」何偉龍病逝

曾參演80年代無綫處境劇《城市故事》、飾演蘇忠的演員何偉龍,昨晨七時病逝,享年五十八歲,他為戲劇導演,並創辦話劇團,亦擔任過香港演藝學院戲劇講師的他,上月還自導自演參與舞台劇《長髮幽靈》,陳錦鴻表示:「據知當時他已經病重,因仍然醉心舞台劇,所以繼續堅持演出,好彩套劇口碑好,算是還了他心願啦!」而有份演出的楊天經,昨日表示也是同劇演員通知才獲悉死訊,感到非常突然。

於天經心目中,何偉龍是一位沒有架子的前輩,他謂:「佢好肯教我做戲,係一個好專業嘅演員同導演,佢會喺個台度話我哋知點走位,令我哋唔會有困擾,又畀好大自由度,佢離去係業界好大損失,所以等緊佢家人睇有咩幫手。」亦是演藝學院出身的張錦程,表示雙方已甚少聯絡,難忘對方醉心舞台劇程度,可以為組劇團而把物業按樓,更謂:「呢排舞台劇界前後都有人離世,氣氛唔開心。」

邵音音為好友祈禱

至於與何偉龍合作過《城》劇的郭晉安與梁思浩,也指已沒有與對方聯絡,安仔謂:「我知佢有做舞台劇,不過我哋就冇見面嘞!」思浩則謂:「本身同佢唔熟,成20年冇見,希望佢安息啦!」

有份演出《長》劇的邵音音,亦有於微博留言祝何偉龍早日安息,指何在患病期間仍埋首舞台劇,即使眾人好言相勸,但他卻未有乖乖聽從,故作為合作夥伴只能每日偷偷地為他祈禱。

文:影視組