江若琳無生仔對象
藝人江若琳（Elanne）昨日出席海港城時裝活動，首次與小朋友一同行騷，她大讚小朋友聰明，自言從小已有表演欲，兒時也有行過時裝騷，問到是否訓練有數鋪路入行？她說：「我入行係誤打誤撞，細個同爹哋講想做Dancer，佢話我乜咁冇出息，要做就做最前嗰個！」
問到是否很喜歡小朋友，她突然母愛大發說：「鍾意呀，啱啱收到最好嘅聖誕禮物係見證BB誕生。」她透露早前到馬來西亞過聖誕時，見證電影《結婚那件事》導演的孩子誕生：「生BB好痛，覺得好偉大，腦海都浮現自己將來嘅畫面。」她希望在35歲前做媽媽，但慨嘆沒有追求者，希望2014年找到對的人。