傅嘉莉醉酒累事冇下文
模特兒傅嘉莉今日正日生日，一班粉絲昨日齊跟她預祝。仍是單身的她已遇到心儀對象，對方還於早前與她同行的歐洲之旅為她預備浪漫燭光晚餐，可惜她不勝酒力感到不適，破壞了這次約會，對方只好送她回酒店休息，之後便沒有下文。
傅嘉莉（Kelly）今日29歲生日，昨日她就跟粉絲預祝，並先後以誘人露腰裝和女僕Cosplay造型上陣。她還自掏腰包捐了兩萬元予慈善團體，趁生日行善助人。提到生日願望，Kelly說：「希望更上一層樓，我嘅事業可以沖上雲霄，同埋所有人都身體健康。」而早前曾表示有意置業的她現在仍在睇樓階段，今年會落實幾個投資項目：「香港就工廈，日本就物業，另外仲會買金。（儲嫁妝？）嫁妝唔係男仔負責嘅咩？好啦，咁我儲吓啦！」
失望送返酒店
仍是單身的她透露已物色到對象，雙方都互相有好感，不過就未confirm拍拖，她說：「之前去日本同之後去歐洲旅行佢都有同行，日本係投資旅行，主要係佢帶我去睇樓，今次就多啲時間好放鬆咁相處吓。有一晚我哋仲被安排單獨食燭光晚餐，啲朋友個個都臨時甩底。不過我破壞咗個約會，因為本身我唔係好飲得嘅，嗰晚我飲咗少少香檳就已經唔舒服，想嘔食唔落嘢，佢好似有少少失望，好似浪費咗佢嘅心意，佢好快就送咗我返酒店。」
等男方做主動
問她對方是否在飯後有另外的安排？她表示：「唔知呀，可能佢有嘢想同我講。（你會點補償？）佢生日同我生日好近，可能我喺生日禮物上花啲心思。（你正日佢有冇約你？）冇呀，可能上次佢係想同我慶祝。」她認為感情事始終應由男方做主動，故現在正等待對方開口，又笑言人在外地會特別容易心動。
文：名人組