關之琳嘟嘴揀巨鑽被撞正
近年養尊處優的「大美人」關之琳，日前相約女友人行街，全程電話不離手的她，表情多多地講唔停，一度講到嘟晒嘴，盛傳好事近的之之，這日亦有流連珠寶店，期間更埋首大大粒的鑽飾揀唔停。
身家豐厚的關之琳（之之）近年過着半退休的生活，除了間中於時尚品牌活動亮相，幾乎完全絕迹幕前演出。早前之之公開呻悶，更表示想做生意解悶，不過生意未正式開始發展之際，日前下午3時多，之之則相約女友人在中環行街打發時間，一身全黑打扮示人，更見容光煥發。
傳好事近心情靚
戴上黑超的之之手挽名牌手袋，身穿半截短裙襯短Boots，相當有少女味，完全看不出已經年過51，只見她與女友人並肩而行，自己則全程電話不離手，邊行邊傾，更一度講到肉緊嘟晒嘴。未幾，之之發現有記者拍攝，心情大好的她，滿臉笑容地手指指向友人「通風報信」，隨即懶理記者鏡頭，悠閒地步入珠寶店。
盛傳之之與富商男友陳泰銘好事近，雖然當事人從沒有承認，但這天之之流連珠寶店內卻專向大大粒、價錢不菲的名貴鑽飾出擊，她和友人有商有量地在店內試不停，頻頻戴上身對鏡左照右照，之之睇完珠寶後，再攻化妝品專櫃，有得行街扮靚，雖然沒有男友相伴，亦不會太悶。
文、攝：追蹤組