模特兒趙哲妤（Uny）昨日與「綠魔」Karl於工展會出席時裝騷，她自爆在澳洲玩足15日才返港，豪花了五位數、碌爆幾張信用卡，她說：「依家要努力搵番啲卡數，喺澳洲做咗好多未做過嘅事，玩熱氣球、潛水、衝浪、喺農場攬動物等，朋友玩降落傘但我唔夠膽。」
問在當地有否艷遇？Uny即怕醜地掩嘴笑謂：「好多，我諗有五、六個，喺條街畀卡片、留電話約我，我都應邀同佢哋飲咖啡。」有印度人亦有29歲年輕有為的中國籍男生追求，她說：「後者係銀行經理，有車有樓，話會照顧我，但長久喺嗰邊就唔OK。」
