Eason有獎照攞貪好玩

Eason昨日於屯門市廣場舉行演唱會DVD簽名會，吸引逾千人圍觀，大會特別找來兩位小朋友以Eason個唱造型出現，與Eason合照維肖維妙。之後Eason接受訪問，講到因版權問題演唱會內未有收錄黃偉文所寫的歌，可擔心影響銷量？Eason坦言：「都會o架，都希望銷量好，唔係足本有啲可惜，不過算啦！」講到將在法國開的演唱會再次令售票網故障？Eason謂是繼米高積遜後能20分鐘賣清門票。

收慰問短訊

對於有報道指Eason有意在「十大中文金曲頒獎禮」宣布不攞獎？他謂：「冇，點解咁傳，近排係收好多慰問短訊，嗰日（叱咤頒獎禮）係好『吽』，唔係唔開心，呢排做緊巡迴轉接期唔識表達，可能有啲攰，慣咗做巡迴，返嚟做頒獎禮唱幾首歌，方式唔同先調節唔到。」對傳叱咤當晚為不攞獎事與經理人陳家瑛（Katie）鬧交，Eason指Katie根本不在現場。Eason坦言反而四年前經理人和唱片公司對他說，如果不想去可以不去，但他剛出了碟沒理由不去。所以，對「不攞獎」想法，Eason再次強調：「冇冇冇！頒獎禮都幾好玩，今年特別想去，如果唔想去，就唔會咁辛苦做完巡迴，同屋企人去咗3日日本旅行就趕返嚟去新城頒獎禮啦，不如放多兩日假。」

Eason拖住兩個以其個唱造型的小朋友一齊出場。

阿徐大晒和包包的「潮爆母女裝」。

欠缺正能量

講到工作太多令他感疲態？Eason說：「正如頭先所講同放假有關，加上我少同歌迷有活動，直接感受唔到佢哋正能量同鼓勵，而公司同事對我比較挑剔，令我有啲迷失，所以當日先講自己似留班，但咁樣係睇小自己，所以需要reset吓自己，老婆都叫我做多啲運動，早兩日去咗打羽毛球。」有網迷批評他黑面甩嘴欠專業？Eason則言：「要撐你點都撐，唔撐你做乜都唔撐，冇得please人哋。」另外，徐濠縈昨午於微博上載和身高到其膊頭的女兒陳康堤（包包）的「潮爆母女裝」合照。

文：音樂組