朱千雪讚好仔 馬國明派檸檬
日前有報道指港姐朱千雪與朱晨麗一齊姣溝無綫「筍盤」馬國明，朱千雪昨日出席商場活動時，為「爭仔」報道解畫：「上次係坐順風車，依家工作為主。（冇拍拖幾耐？）幾年。（馬明係筍盤？）佢係好好仔，但都要了解吓先得，我哋工作先見，私下冇見過。」
不過被兩女力追的馬明大派檸檬，對於被指他與朱晨麗出席倒數活動後各自駕車離開，因被記者撞破才被迫分道揚鑣，他無奈地稱只是同路：「如果對方要追你，你會feel到，但真係冇！兩個都係好女仔，但大前提係冇爭過。（發展吓？）要了解先，但係冇時間。」朱晨麗亦於電話訪問中大表無奈：「我係單身，但嗰日同馬明傾偈係正常社交，唔係姣溝。」
