羅仲謙親香澤送肉嘴
岑麗香、羅仲謙再度拍檔演新劇，劇情講述謙仔傷手，香香即緊張為他啜血，謙仔一親香澤「錫錫」佳人，今次再拍香香真是「無隔膜」！不過劇中的另一妻子胡杏兒是個大醋埕，問謙仔現實中的女友楊怡是否都一樣？他怕得即時封嘴避談。
日前岑麗香（香香）、羅仲謙在古裝街拍無綫新劇《醋娘子》，飾演夫妻的二人拍攝一場調情戲，劇情講述香香為謙仔趕工做蓮花燈，謙仔笑言摘下天上的星星給她，但他將月亮形竹藤放於前額扮包公時，不慎弄傷手指，香香馬上為他啜血和包紮，謙仔就一親香澤錫香香面珠，令伊人靦覥甜笑！
初演古裝有壓力
香香今次首度演古裝劇，加上剛獲得「飛躍進步女藝員」獎項，坦言有壓力，更不時NG，幸而大家都體諒她，香香說：「大家都叫我盡力就得，今次啲對白雖然對我嚟講好難，但始終貼近現實又係喜劇，所以令我舒服啲。我唔係第一個鬼妹仔拍古裝，既然前輩們都可以做到，我都有日可以唔使睇劇本靠拼音。」
謙仔再次夥拍香香並有幸一親「香」澤，他笑說：「監製可能想我哋止乎禮，拖吓手攬吓腰就夠。」他大讚與香香再合作毫無隔膜，問到可有教她中文？謙仔說：「最神奇係佢嘅劇本有英文對照，可見佢真係好勤力。」
聞醋埕唔講楊怡
新劇中謙仔周旋於香香與杏兒兩個妻子當中，杏兒是個大醋埕，謙仔現實中可喜歡享齊人之福？他聞言即耍手擰頭：「唔好搞啦，淨係拍劇都知麻煩啦。（咁楊怡係咪醋埕？）唔好講呢啲啦！」
此外，香香在前晚播出的劇集《貓屎媽媽》中穿上緊身上衣展露身材，該場戲講述她不慎掉入河中，衣服領口位大開令人有聯想。而黃宗澤為香香軀走身上的水蛭，竟在她面前撒尿並濺在她的大腿上。
文：影視組