志偉帶四箱酒醉悼阿梅

為紀念梅艷芳逝世十周年，曾志偉和張學友牽頭於前晚舉行音樂會，並邀得不少歌手演出，包括梁漢文、蘇永康、何韻詩及草蜢等，完騷後志偉和學友搞了個慰勞宴，志偉到場時說在音樂會忍不住落淚：「有兩樣嘢我永唔會錯過，一個係喊，一個係醉。」問慰勞宴上會否延續飲醉風格？他笑說﹕「希望啦。」

其後工作人員從志偉的座駕內搬出四箱酒到慰勞宴現場，相信眾人應不醉無歸。學友受訪時，被問太太羅美薇有否陪他出席音樂會？他謂：「佢喺屋企睇。」

工作人員捧了幾箱酒到場。

前晚每位嘉賓都是由學友親自邀請。

合十作感謝

何韻詩離開時談到慰勞宴的情況：「我哋冇刻意講起梅姐，但諗起以前佢仲喺度，完咗騷會齊人聚埋一齊，我哋好珍惜，都係因為佢嘅緣故，今日有好多好耐冇見嘅歌手、前輩在場。」

學友合十感謝大家。	何韻詩說自己因阿梅與不少朋友重聚。	曾翻唱阿梅金曲的關淑怡感觸良多。
袁詠儀前晚在台上談到與阿梅的點滴。	苗僑偉和戚美珍也有出席慰勞宴。

學友約於凌晨一時離開，他先合十多謝傳媒，問可有在宴會中憶起阿梅，他說：「有，有佢喺度梗好啲，但有啲嘢我哋做唔到，只可以做番自己做到嘅嘢。」問志偉醉未？學友笑說：「一陣你哋會見到佢如常咁抬出嚟。」

綵排已落淚

而在昨日播出的電台訪問中，志偉稱前晚演出的每位嘉賓都是學友親自致電邀請，又坦言綵排時已忍不住落淚。阿詩則在微博上載和志偉與學友的合照以感謝兩人，並寫道：「新秀同學會，是你的一個心願，今夜我們亦因你而重聚。Beautiful night.」

文：音樂組