黃秋生：發火梗有原因
黃秋生對於老友吳鎮宇又爆「街頭衝突」，他說：「唔會咁簡單，被人望兩眼就潑人，一定另有原因，會唔會有啲細節外邊人係唔知？或者對方向佢舉中指、言語侮辱佢，佢先會咁躁，件事唔係咁尋常。（勸佢唔好咁躁？）唔使勸，幾十歲，發火梗有原因，好似上次（麵包店）佢都係保護老婆啫！」
曾經與鎮宇合作無綫劇《衝上雲霄Ⅱ》的江美儀，劇中對手戲不多，但她得悉對方「掉咖啡」事件時，美儀稱未見過，很難想像是真的：「我哋合作嘅戲唔多，有都係啲輕巧嘢。真係未見過佢發脾氣，最多都係自言自語。我估佢都係藝術家性格，忟自己嘅人，想場戲做得更好。」
