關詠荷被禁睇老公親熱

張家輝太太關詠荷昨日於馬灣挪亞方舟擔任慈善活動的嘉賓,化身廚師的她為基層兒童炮製親子料理,更鼓勵他們勇於面對逆境。問到她曾否經歷情緒低谷?她自爆曾因照顧女兒而感吃力:「我哋做演員嘅情緒好反覆,但湊小朋友又要好有耐性。以前囡囡一喊,我就唔知點算,不過依家開始知道點同佢相處。」

另外,問她是否故意不看其夫家輝在新戲中與變性人的親熱情節?她笑言:「係有人(指家輝)遮住我雙眼,唔畀我睇!可能驚我罰佢跪玻璃。(日後會否禁止老公拍過激戲份?)要佢自己衡量,不過佢都係拍咗先會話我知。(次次都先斬後奏?)唔係,之前拍都有講過,今次只係Kiss。」