李桂蘭開綠燈 Sean婷戀無阻

名媛李桂蘭前晚出席慈善晚宴，提到日前兒子戴尚安（Sean）被《好報》獨家踢爆與謝婷婷戀情，更夜訪對方香閨。問到二人是否拍拖？李桂蘭直言：「佢（Sean）百足咁多爪，佢好忙，我知佢哋兩個一齊做緊個project，成日溝通。冇問題，個仔鍾意邊個，我就鍾意邊個，仔大仔世界，唔到我理，幾時拍拖由得佢。（贊成佢哋拍拖？）佢鍾意就得。」

讚婷婷又靚又叻

她又透露囝囝與前女友Tina Leung已分手了很長時間，更表示在活動上見過婷婷，更大讚婷婷又靚、又叻，明顯對兒子的戀情開綠燈。未知她是否為保兒子愛苗，她說：「我唔知囝囝啲嘢，我要返工、夜晚又出街，好少見個仔。」

Sean被《好報》獨家踢爆夜訪婷婷香閨，兩人戀情曝光。

原來李桂蘭曾與Sean及婷婷一齊參與慈善活動，並留下良好印象。

鄧鉅明關懷愛滋

而同場的太子珠寶鐘錶主席鄧鉅明和太太一直有參與有關愛滋病的慈善活動，非常熱心，鄧生表示很開心見到愛滋病毒由從前會致命，直至現在可以控制到病情，更期望將來能完全治療。他說：「好多無辜嘅人會因為遺傳或捐血等患上愛滋病，內地好多人無知，身為香港人應該盡能力幫手。」

文：名人組