霆鋒男人浪漫烈燄豪情
由謝霆鋒、余文樂、任達華、胡軍等主演、郭子健執導的本年度壓軸英皇電影《救火英雄》，即將在下月上映，四位男主角除了都是男人味十足的型男外，更是均曾奪得影帝殊榮的演技派。今次四位影帝大鬥法，以熊熊烈火包裝鐵漢柔情，燃燒非一般的戲味。
英皇電影《救火英雄》雲集多位影帝級人馬，包括摘得金像獎影帝殊榮的謝霆鋒、金紫荊和金像獎雙料影帝任達華、金紫荊最佳男主角得主胡軍，以及曾獲得韓國富川電影節最佳男主角的余文樂。四位影帝攜手撲火，單是卡士已讓觀眾目瞪口呆。
戲中有不少「男人的浪漫」戲份，霆鋒亦指《救》片不乏感動位，大家在片場建立了一份難能可貴的兄弟情：「佢其實係一部感情戲，愛情、親情、友情，咩情都有，火只是一個包裝。」而樂仔則大讚導演拍得非常有味道：「呢部係四個男人嘅戲，好surprise導演能夠拍出嚟，將四個人唔同嘅背景、性格、包袱、矛盾都講得非常非常到位！」
任達華讚後輩
前輩華哥對霆鋒和樂仔兩位後輩同樣讚不絕口：「佢哋好好，好聰明，樂仔係個好爆嘅人，霆鋒經歷過咁多嘢，佢係個非常好嘅演員。」
《救》片火災場面多，在拍攝時多位演員都因太搏命而受傷。除了動作戲份，當中一場霆鋒和安志杰的爭執戲，句句有骨落地，同樣能睇到人十分過癮，可見導演郭子健在拿捏氣氛的功力十分到家。
文：影視組