靚靚做節派禮物
張智霖昨晚偕老婆袁詠儀（靚靚）現身銅鑼灣某酒樓，當一袋二袋的靚靚發現有記者在場，即着身旁的囝囝魔童及外甥建寧「快閃」。未幾張智霖再步出接受訪問，他透露相約家人做冬：「今晚有十幾個人啦，我哋買咗啲聖誕禮物送畀屋企人，食完飯都要再去錄音，跟住就放假旅行喇，除夕先返嚟倒數。」
而前晚，張智霖攜同靚靚出席好友蔡一智老婆周雪芳，以及黎瑞恩安排的敍舊飯局兼預祝聖誕節。席上更有周汶錡、伍詠薇及丈夫練海棠等。黃佩霞亦在微博上載眾人合照，大呼見到老友好開心：「太久沒有聚會了，近日各有各忙，非常掛念大家 。謝謝蔡夫人（周雪芳）和Vivian（黎瑞恩）的安排，超級美味的食物和愉快的晚上。」
