周秀娜長短腳變高低波 坐骨神經歪咗

性感女神周秀娜(Chrissie)每次出現均帶來驚喜,不過前晚卻封胸僅騷長腿,還出現高低胸,認真失策!原來近日其尾龍骨中間位置骨頭凸出,經醫生診斷後證實坐骨神經變歪,再加上長短腳,才出現高低胸。對於舊愛陳偉成揚言與她再見亦是朋友,Chrissie似乎毫不領情,更謂:「佢呀?唔記得啦!我好多人係朋友。」

周秀娜(Chrissie)、何佩瑜(Jeana)、女模傅嘉莉等前晚出席「Cine Times開幕典禮——UA院線」戲院重開活動,單身多時的Chrissie仍然偏瘦,雖然封胸僅露一雙長腿,但豐滿上圍仍然搶鏡,只是細心一看竟發現她出現高低胸,Chrissie聞言即表現愕然,拍一拍心口,繼而回復平靜回應傳媒。

啪骨改善坐姿

Chrissie透露近日日夜顛倒拍戲,令頸及腰部也很痛,及後發現尾龍骨中間位置有骨頭凸出,嚇得她急急求診,經醫生診斷過後,證實是坐骨神經變歪,她說:「依家都要keep住睇醫生,仲話我有少少長短腳,可能咁樣會令大家睇落有高低胸。(咁點醫?)針灸、啪骨同按摩,同埋醫生叫我改善企同坐姿。」雖然正受痛症困擾,但Chrissie不諱言不會放長假休養,皆因手停口停。

談到舊愛陳偉成指她獨欠一個能處處照顧的男友,Chrissie聞得舊愛二字即說:「咁舊,真係好舊,我太多人照顧我,其實我冇乜嘢差,係時間啫!多謝關心。(話同你再見亦是朋友!)佢呀?唔記得啦!好多人係朋友。(咁你個追求者有冇約你過聖誕?)暫時未,你叫佢快啲約定啦。」

Jeana谷胸搶鏡

同場的Jeana谷胸又露腰力搶師姐Chrissie風頭,Jeana否認要與師姐鬥過,更指雙方感情要好,性感只是尊重場合,對於與Chrissie均是剩女,可會相約一起過聖誕?她笑說:「約到時間都好,一齊做運動,冇人約咪喺屋企唱lonely Christmas囉。(陳偉成話Chrissie欠一個男友!)認同,不過佢都習慣單身,應該唔渴望。」

文:影視組