敏之怕死唔敢過檔
陳敏之昨於旺角出席「HTC Here's To Christmas HTC流動影院繼續巡遊全港」活動，以真空露背短裙現身的她大晒42吋長腿。敏之受訪時被問到她有份演的劇集《My盛Lady》結局中，男女反串着婚紗的情節疑抄台劇《惡作劇之吻》，她說：「冇睇過《惡》，不過唔會係抄襲。（有信心收視過30點？）一定有！」對於王維基將開台，問敏之約滿無綫後會否過檔？她謂：「唔會，因為我驚死，我仲有幾年約。」
而「蝦頭」楊詩敏於《My》劇結局扮徐子珊，有場戲見穿逼爆西裝及超短褲的蝦頭，於梳化上瞓身晒肥腿誘黃子華，場面爆笑。