張敬軒施髮術 舞慶鄉親

張敬軒為本月回鄉巡唱，密鑼緊鼓綵排。

頭皮敏感灼傷

軒仔透露有部分歌曲會以音樂劇形式演出，邀請到舞台劇演員梁祖堯和湯駿業參與，又自爆幾年前有情緒病時曾拍下一些短片，並會在今次演出上公開，希望做到以生命影響生命，問他可會將以往感情事公開？軒仔笑說：「只會出現空白兩個字，（咁舊嗰啲呢？）舊夢不須記嘛。」

他又為今次演出變「髮」術，把頭髮染成藍色，但他大呻因頭皮敏感，頭髮被漂足8個鐘頭後，出現頭皮灼傷和甩皮的情況，但他自言不怕有脫髮危機：「漂咗4次啲頭髮都未斷，屋企三代都冇呢個困擾。」

張敬軒作突破演出，被女dancers任摸唔嬲。

張敬軒與舞伴大跳貼身舞。

票價貴過學友

軒仔坦言本來不打算在演出上搞太多花臣，但因為今次VIP票價高達1,680元人民幣（約2,145港元），但門票依然火速售罄，軒仔承言比前輩張學友和陳奕迅的票價更貴，故要更落力演出令樂迷覺得值回票價，問他會送贈甚麼給買貴飛的歌迷？他笑說：「送條腳毛畀佢哋囉，講笑啫，會有後台合照。」軒仔表示雖然今次票價高昂，但自己並無因此加歌酬，又慨嘆以往開騷見過坐貴價位的觀眾瞌眼瞓，反而山頂位的歌迷更熱情澎湃，未來或者參考外國劃一票價，採取先到先得制。

文：音樂組